Responsive Leaderboard AD Area

Здравиот И Правилен Начин На Исхрана Ви Дава Енергија За Да Уживате

Како што стареете, квалитетната исхрана игра значајна улога во тоа колку брзо стареете, односно дали предвремно ќе старите. Исхраната со ниска содржина на сол, протеини и масти од животинско потекло, а богата со многу овошје, зеленчук и растителни влакна, всушност, може да го намали ризикот од болестите поврзани со староста како што се: срцево заболување, дијабетес, разни видови тумори, мозочен удар, остеопороза и други хронични заболувања. Со јадењето разновидна сурова природна храна, телото лесно може да го добие тоа што му е потребно, вклучувајќи:

Протеини, кои се потребни за да се одржат и повторно да се изградат мускулите. Аминокиселините се најдобар извор за создавање протеини, а ги има во изобилство во зелено зељестиот зеленчук (блитва, кељ, прокељ, рукола, марула…). Протеини од растително потекло во изобилство има во: грав, генетски немодифицирана органска соја, ограничена количина на јаткасти плодови и слично. На тој начин обезбедувате квалитетен извор на аминокиселини кој служи за создавање на протеини во организмот, и тоа од растително потекло. Доколку консумирате храна од животинско потекло, можете да добиете протеини
со консумирање месо од живина и риби со ниска содржина на масти, ограничена количина на јајца и млеко со ниска содржина на масти.

Јаглехидрати, кои се препорачливи како извор на енергија за телото. Има два главни извори на јаглехидрати во исхраната: прости јаглехидрати, како што е сахарозата (белиот шеќер, кој може да биде додаден во слатките и десертите), фруктоза (шеќерот кој се содржи во овошјето) и лактоза (млечниот шеќер); и сложени јаглехидрати, кои ги има во зеленчукот и во житата. За разлика од рафинираните шеќери, сложените јаглехидрати содржат витамини, минерали и растителни влакна.c

Храната која содржи прости шеќери односно јаглехидрати има многу висок гликемиски индекс, со што предизвикува лачење на големи количини инсулин од страна на панкреасот, што долгорочно претставува опасност од дијабетес тип 2, односно синдром на изморен панкреас. Јаглехидратите кои се наоѓаат во овошјето и зеленчукот се врзано со растителните влакна, и затоа откако ќе ги консумираме бавно се ослободуваат, со што не го креваат шеќерот во крвта, односно имаат низок гликемиски индекс. Во исхраната потребно е извор на најголемата количина од јаглехидратните калории да бидат од сложените јаглехидрати, а исто така обидете се калориите од мастите во вашата исхрана да ги замените со калориите од сложените јаглехидрати.

Масти, кои исто така, обезбедуваат енергија. За да го одржите нивото на холестеролот во крвта на потребното ниско ниво, најдобро е мастите да ги добиете од “добрите” полинезаситени масти (какви што ги има во течното масло од пченка и од соја) и мононезаситените масти (во маслиновото масло, авокадото и јаткастото овошје), отколку од “лошите” заситени масти (јунешко, прасешко, телешко месо, млеко, путер, маргарин, маснотии и сирење).

Вода, да се замени губитокот на водата преку активност. Бидејќи бубрезите постепено стануваат сѐ помалку ефективни за да го одржат телото хидрирано, постојано правете напор за да испиете 1.5-2 литри, односно шест до осум чаши (0.25L) вода секој ден.

Share this Story
Load More Related Articles
Load More By Kristijan
Load More In Едукативно

Facebook Comments

Check Also

Европа vs. Македонија

Живеењето во Македонија, верувале или не, може да ...